AKTIVITETAR
Bade - og friluftsområder
På Osterøy har me mange deilige badeplassar rundt omkring på øya. Osterøy kommune er medlem i Bergen og Omland Friluftsråd (BOF) som sikrar, tilrettelegg, og står for dagleg drift av bade- og friluftsområda våre.
Osterøy turlag
Osterøy Turlag er for deg som likar aktivt friluftsliv. Til fots eller på ski i naturen. Me har ei Facebook-side der med oppdaterar om komande arrangement og legg ut bileter.
Fjordcharter
Fjordcharter Norway AS er en guide til fantastiske norske fjorder og turer som gir minner for livet. Båtene er komfortable og har god utsikt og store dekk. De tar dere med til de små og store opplevelsene, kontraster og natur så unik og ren som kun Norge kan tilby. Turene vil gi fantastiske opplevelser og minner for livet.
Få turtips fra ut.no
Finn turforslag, hytter, turmål/steder og turruter i Osterøy kommune på ut.no.
Kleiveland gard
Kleiveland gard ligg ved Osterfjorden der vegen stoppar. Fram til 1983 var Kleiveland ei veglaus bygd. Her er det mektige fjell og fine område for turgåing mellom anna til Kleiveland kai og friluftsområde. Kontakt oss for avtale om guida tur i nærområdet eller ein båttur til laksegiljene på Askildneset med skyssbåten «Ospenes».
Klyvvikje
Klyvvikje er ein gard på Olsnes, ved Bruvik i Osterøy kommune. Eit besøk i Klyvvikje kan bestå av: Velkomst ved sjøen, lapskaus i sjøbua, omvisning på garden kombinert med dyreklapping og historieforteljing. Etter ein kulturhistorisk vandring, kan ein delta på ulike aktivitetar som øksekast, frisbeegolf, kanopadling på fjorden eller berre slappe av på ein benk nede ved sjøen. Til slutt kan dei få servert kaffimat før turen går vidare.
Koppen
I ein stille og fredfull liten sidedal finn du garden Koppen. Her finst spor etter busetnad frå over 1000 år sidan. Koppen består av 14 bygningar i utmark og innmark, frå 1600-talet til i dag. Store delar av kulturlandskapet er intakt, slik det har vore gjennom generasjonar, med steingardar, bakkemurar, kisteveiter, slåttemark, kjelder, for å nemna noko.
Hjå oss kan du få oppleva den gode atmosfæren ved å besøkja Gamlahuset, vandra i tunet og kulturlandskapet. Me fyrer gjerne opp i den gamle gardssmia, om du vil prøva deg på å smi ein liten ting, som du får med deg.
Kanskje er du ute etter heilt spesielle opplevingar? Då har me eigne opplegg, der du kan delta i arbeidet med å ta vare på kulturmiljøet.
Askeland kunstnargard
Askeland Kunstnargard er ein aktiv gard som vert drevet av songar/skodespelar og coach Linda Fosse og motorsagkunstnar Arne Askeland.
Dei tilbyr ulike kurs og underhaldning for bedrifter og private.
Osterøy Ysteri
Du finn Osterøy Ysteri på Bernes i Fotlandsvåg. Dei tar imot gjester for omvisning i ysteri, i fjøs på garden eller på et besøk på stølen i fjellet i Tyssebotn, der dei er med dyra om sommaren. Eller du kan bli med på ein kjekk tur i kulturlandskapet ved fjorden eller i marka.
Roots & heritage in Norway
Kulturformidling, skreddersydde guida opplevingsturar – kulturhistoriske opplevingar til ulike autentiske miljø.
Osterøy bibliotek
Osterøy bibliotek held til i andre etasje på Lonevåg senter.
Atelier Revheim
I Atelier Revheim kan du sjå skulpturar og abstrakte malerier kombinert med figurative og emosjonelle motiv.
Pievino
Med interesse, entusiasme og kunnskap formidlar og tilbyr Pievino unike opplevingar, der mat og vin står i sentrum.
Bygdasjarm
Me tilbyr ein sjarmerande guida tur med smaks- og naturopplevingar.
Kom tett på identiteten, kulturen og historia knytt til laksafisket frå laksagiljo.
Den grøne fabrikken
Bygningen blir brukt til aktivitetar innan kunst og kultur. Bygget inneheldt i dag fellesrom, utstilling/kursrom, arbeidsrom, toalett, vaskerom og kjøkken. Utleige for ein dag eller periode etter avtale
Lønning fjordfiske
Kunne du tenkt deg å fiska i Osterfjorden? Men veit ikkje korleis og kvar?
Du kan no få ein særs lokalkjend guide, båt og utstyr. Opplevinga inkluderer guide, båt med utstyr og fiskeutstyr for lett og grovt fiske.